bartulov kantunSvi muški iz mista bi se namistili jušto na ovi zidić, gledat ka u kino, i čekali kako će se Mare naget priko one svoje daske za ražentavat robu…

Marice divojko

poštenoga roda,

ti ne peri robu

kraj mojega broda.

Prođi se ti mene i mojega roda,

ja ću robu prati di je mene vo’ja.

Ako si gospodar od svojega broda,

ti nisi gospodar od sinjega mora.

(pučki napjev)

Ka i obično, svako pozapodne njih pe’-šest sididu na oni zidić uzmore i vodidu pametne, prave muške diškorše. Uvik bi ćakula počela prvo o Ajduku i lupežima suciman, pa onda o izborima u njijovo malo misto i onome glavonji šta je pobjedija. Ma ko je uopće za njega glasa… Naravski i o tomen da je pri sve bilo bo’je i jeftinije (a oraji tvrđi), i kakvo će sutra bit vrime - meni se pari da daje na južinu. Ma svaki put bi na kraju svršili na istu čakulu o - Mari, našoj Marici, nju se ni moglo priskočit…

- A sićaš li se ti one lipe pučke pismice o Mari koja ...