zimski zapisiPotraga za mornarima potonulog fregatuna

Galebi se gnjizde u vrime kad pupaju kapari. Otac, dva lovačka pasa i ja ukrcali smo se u brod i krenili put otočića Štambedar jedne davne godine. Galebi nas nisu zanimali, na rečeni škojić išli smo brat kapare. Mi ćemo punit vrićice a pasi će trkat po Štambedru i kupat se. Taki je bija plan. A svršilo je tako da smo bižali jer su pasi razludili galebe koji su čuvali jaja pa su nas počeli napadat.

Ej, takovoga straja vidija nisi. Vratili smo se isfrižani od padanja po sikan dok smo vatali i veživali pase. U to vrime još nismo znali šta se krije u podmorju oko otočića a ono šta znamo je činjenica kako su nan Belgijanci, ronioci 70-ih oko Paklenih dosta toga izronili i odnili. Imali su boju opremu i znali su krest. Ali… ništo je iza njih i ostalo za istražit. Uglavnon, zahv...