Damir Šarac: Sudamja bez Duje: muzikanti i ‘svlačione‘, beštimje i svetinje, lokanje i sveti obred, sve se izmišalo

Ono se govorilo u starome Splitu: ča je prislano ni maški ni drago. A ovogodišnja glavna gradska fjera, naša Sudamja, možda nije prislana, ali mogla bi izać priskupa. Govori se da će iz gradskoga proračuna ić 600 iljada eura za sva događanja. A ima ih, ne sićan se kad ih je ovoliko bilo.

Samo, pari mi se da se većina toga svela na beskrajni niz koncerata. Ovu Sudamju, 1722. po redu, ako računamo od godine kad je u Saloni ubijen biskup Dujam, obilježila je mužika. Teško je i nabrojit koliko se tamburalo, a u utorak ujutro zateka san se na Pjacu dok je bokovima mrdala – trbušna plesačica! Bilo je, znači, za svaki ukus po nešto, recimo Urban na Pjaci, a onda i TBF, bili su baš pogođeni. I ta Pjaca, točno po miri Splita: u takvin večerima spoznamo koliko je čudesno lip...